Roland HD-1

*Trommuleikur er fyrir alla og Roland HD-1 raftrommusettin eru frábær leið til að bæta takti og tónum við líf þitt!

*Roland HD-1 V-drums raftrommusettið er fyrir alla sem hafa yndi af áslætti.

Það er fyrirferðarlítið, slitsterkt, hlaðið alvöru trommuhljóðum og hentar fullkomlega á heimilið, skrifstofuna, í heimastúdíóið eða á sviðið. Hvort sem þú ert byrjandi eða lengra kominn er HD-1 frábær leið til að skemmta sér og kynnast tónlist.

Roland er leiðandi fyrirtæki á sviði hönnunar rafrænna trommuhljóða, og er HD-1 þar engin undantekning. Í hljóðbanka HD-1 er að finna urmul trommuhljóða í sérflokki (Listinn er á baksíðu).

Einn hinna fjölmörgu kosta raftrommusetta er alger stjórn á tónstyrk. Hinir margverðlaunuðu Roland trommuplattar eru ekki einungis þægilegir í notkun, þeir eru næsta hljóðlausir út á við svo nágrannar verða ekki fyrir ónæði. Meira að segja fótpedalarnir voru sérhannaðir með þetta í huga, þeir snerta ekki gólfflötinn og draga þar með úr gólfhljóðum og titringi.

Þar sem HD-1 settið er nánast allt á einu statífi er uppsetning mjög auðveld og fljótleg. Bara að taka það úr kassanum og byrja að spila! Þessi frumlega hönnun auðveldar einnig alla flutninga, og gefur settinu snyrtilegt útlit.

HD-1 raftrommusettið er frábær leið til að efla tónlistarlífið á þínu heimili! Notað með t.d. Roland rafpíanóunum vinsælu (sjá mynd) mun HD-1 settið verða lykillinn að frábærri fjölskylduskemmtun og tónmennt.

Tengdu heyrnartól við hljóðbankann (seld sér) og æfðu þig í ró og næði að degi eða nóttu. Þú ræður tónstyrknum, en nágrannar verða einskis varir. Innbyggður taktmælir og hraðastillir hjálpa þér að bæta taktskynið á meðan þú æfir þig.

Með MIX IN tenginu á HD-1 getur þú tengt iPod® tækið þitt, eða hvaða spilastokk sem er, við settið og trommað með eftirlætislögunum þínum. Einnig er hægt að hlaða niður lögum af Roland V-drums síðunni (www.v-drums.com) og upplifa þannig samspil með hljómsveit.

Með í kaupunum á nýju HD-1 setti fylgir DVD kennsludiskur sem sýnir uppsetninguna á settinu þínu auk þess sem þar eru gefin góð ráð um trommuleik.

Með sína stóru upplýstu hnappa og auðvelda stjórnborð er HD-1 settið sérlega notendavænt. Þrýstu bara á Drum Kits hnappana (1-5) og þú hefur úr 5 mismunandi trommusettum að velja. Ef þrýst er á VARIATION hnappinn koma upp 5 sett til viðbótar.

Veldu úr fjölmörgum sérhönnuðum fylgihlutum, til að mynda PM-01 (trommuhátalara), TDM-1 (trommugólfmotta) og DAP-1 (fylgihlutapakka). Þessir spennandi aukahlutir bæta krafti, hagkvæmni og þægindum við settið þitt.

Að notast við heyrnartól er góð aðferð til að æfa sig, en þegar þú vilt láta í þér heyra er PM-01 hin fullkomna lausn. Hann er nettur, hljómar einstaklega vel og er sérhannaður með tilliti til útlits og eiginleika HD-1.

Bráðnauðsyn hverjum trommara. Þessi snjalli fylgihlutapakki er fullkominn fyrir byrjendur, og gerir þeim kleift að hefja leik strax og heim er komið.

Þessi gólfmotta er sérhönnuð fyrir HD-1 settið. Hún dregur úr titringi og verndar gólfið þitt.